Այս հոկտեմբերին Հայաստանը կհյուրընկալի  COP-17-ը՝ կենսաբազմազանության պահպանության և բնության ապագայի շուրջ կարևորագույն միջազգային հարթակներից մեկը։
Հայաստանի անտառային դաշինքը COP17-ի շրջանակում միավորում է մի շարք նախաձեռնություններ, որոնք հնարավորություն կտան խոսել Հայաստանի անտառների մասին՝ տարբեր տեսանկյուններից՝

•  անտառների պահպանություն և վերականգնում
•  քաղաքականություն և մասնագիտական երկխոսություն
• անտառների պատմություններ և մշակույթ
•  երիտասարդների ներգրավում և ստեղծարարություն
•  համագործակցություն հանուն բնության:

COP17-ի շրջանակում նախատեսվում են՝ «Անտառային երկխոսություններ 2026» բաց քննարկումների շարքը, «Հայաստանի կանաչ սիրտը» վավերագրական ֆիլմը, «Անտառի ինքնությունը» ցուցահանդեսը, «Հայաստանի անտառային կենսաբազմազանություն» լուսանկարչական մրցույթը, «Մեր ապագայի արմատները» արշավը և այլ համատեղ նախաձեռնություններ։
COP17-ը Հայաստանի անտառների մասին խոսելու, լսելու և միասին գործելու հնարավորություն է։
 ԱՆՏԱՌՆԵՐԸ ՄԵՐ ՀԱՄԸՆԴՀԱՆՈՒՐ ԺԱՌԱՆԳՈՒԹՅՈՒՆՆ ԵՆ։