Լուրեր

Անտառային երկխոսություններ՝ COP17-ի Կապույտ գոտում

Հոկտեմբերի 22-ին COP17-ի Կապույտ գոտու Հայաստանի ազգային տաղավարում Հայաստանի անտառային դաշինքը կանցկացնի «Անտառային երկխոսություններ․ անտառային, կլիմայական և կենսաբազմազանության քաղաքականությունների փոխկապակցում» (Forest Dialogues: Bridging Forest, Climate and Biodiversity Agendas) թեմայով պանելային քննարկումը։
 Ինչպե՞ս համադրել գիտական տվյալները, անտառվերականգնման գործնական փորձն ու քաղաքական որոշումները՝ նպաստելով Հայաստանի անտառների և կենսաբազմազանության պահպանությանը։
Քննարկման ընթացքում անդրադարձ կկատարվի անտառածածկի ավելացման հնարավորություններին, ագրոանտառային տնտեսության և համայնքահեն նախաձեռնությունների դերին, ինչպես նաև անտառային քաղաքականությունների ներդաշնակեցմանն ու միջոլորտային համագործակցության ամրապնդմանը։
Միջոցառումը կբացվի Հայաստանում Շվեյցարիայի արտակարգ և լիազոր դեսպան Անդրեա Բարբարա Բաումանի ողջույնի խոսքով։
 Հոկտեմբերի 22, 2026 թ.
 13:00–13:50
 COP17 | Կապույտ գոտի | Հայաստանի ազգային տաղավար
«Անտառային երկխոսություններ» նախաձեռնությունը միավորում է գիտության, քաղաքականությունների և գործնական փորձի ներկայացուցիչներին՝ խթանելով համագործակցությունը հանուն Հայաստանի անտառների պահպանության և վերականգնման։

Share
  • Facebook
  • Instagram
  • Linkedin
  • Telegram

Առնչվող թեմաներ

Կայքը մշակվել է Շվեյցարիայի զարգացման և համագործակցության գործակալության (SDC) ֆինանսական աջակցությամբ։ Կայքի բովանդակության ամբողջ պատասխանատվությունը կրում է Հայաստանի անտառային դաշինքը և այն որևէ պարագայում չի կարող դիտարկվել որպես ՇԶՀԳ (SDC)-ի դիրքորոշման արտացոլում։

© 2026 Հայաստանի Անտառային Դաշինք