Հայաստանի անտառային դաշինքի մասին

Հայաստանի անտառային դաշինքը ստեղծվել է Հայաստանի անտառապատման և անտառվերականգնման կազմակերպությունների «Էյ Թի Փի» բարեգործական հիմնադրամի, «Իմ անտառ Հայաստան» հասարակական կազմակերպության, Վայրի բնության եւ մշակութային արժեքների պահպանման հիմնադրամի եւ «Շեն» բարեգործական հասարակական կազմակերպության նախաձեռնությամբ՝ միավորելու ջանքերը երկրի անտառային էկոհամակարգերի պահպանման, վերականգնման և անտառածածկի ընդլայնման գործում։

Դաշինքն իրականացնում է իրազեկվածության և քաղաքականության ձևավորման աշխատանքներ՝ համագործակցելով պետական կառույցների, շահագրգիռ կողմերի և հասարակության հետ՝ ապահովելու Հայաստանի անտառների երկարաժամկետ պահպանությունն ու կայուն զարգացումը։